泛珠三角賽車節 2009

都有幾年冇去珠海賽車場影相啦，重回舊地，一D 都冇變，依然唔係咁先進。

之前一晚，諗左好耐，到底帶唔帶328去好呢…最後，影賽車唔帶幾時帶呀？ hehe… 其實都去過幾次珠海影賽車，所以今次主力影多D以前未影過既，例如用 328影大直路，慢快門加 wide 鏡去 pan 車，pan 車轆，pan車手等等，出來效果都唔錯。

最後，多謝今次既搞手同埋好高興認識左幾位新朋友。

相簿連結 : 泛珠三角賽車節 2009

Click to zoom photo.

細談私影活動

經常有朋友問小雀, 為什麼近年唔搞私影活動.

其實, 隨著工作上既轉變, 日常空閒的時間已經變得很少, 自己也很少影相, 加上, 間唔中有些東西想嘗試去影, 需要慢慢去試, 實在唔太方便太多人一齊去影.

不過, 講到尾, 還是一個責任問題. 澳門與香港不同, 澳門的私影活動大多是免費的, 女孩子都是義務給影友去拍, 為的只是希望拍到一些美麗的照片. 而這個收照片的負責, 就落在搞手身上. 根據以往經驗, 十個出來拍照的影友中, 只有唔到一半的影友交相, 而有部份影友可能只交幾張照片. 雖然女孩子們大都明白這不是搞手的責任, 但作為搞手, 實在責無旁貸, 所以唯有在活動中, 自己拍多一點, 希望能滿足女孩子們的希望. 久而久之, 實在有點累, 所以, 搞活動還是留給一班有活力的年青朋友.

地獄少女 - Shiori

Cosplay，一向是小弟喜歡的題材，因為他們大多數服飾華麗，造型脫離現實，加上大多數 coser 都好認真對待每次拍攝，係拍攝影完全唔需要擔心 pose，化妝等等問題。

今次約左 Shiroi 影地獄少女，老實說，這套動畫既題材我實在不大欣賞，所以前後加埋都只係睇過半集左右。不過，有 Shiori 咁認真既 coser, 我完全冇擔心過影出來會冇左地獄少女既感覺，我只需要事前搵好適當既地方，拍攝時set好燈光，其餘的就可以交比 Shiori.

上樹下水就係今次拍攝既主要目的，三時多抵達目的地，但因為有民署職員正在(疑似)工作，唯有先改地點，四時半後等民署職員差不多收工再回來。今次拍攝，似乎最辛苦都係 Shiori, 上樹落水毫無問題，當日大約都係得廿度，下水其實都有一點冷。大約六時左右，太陽下山才結束今次拍攝.

相簿連結 : 地獄少女 - Shiori

Starlight 容祖兒澳門演唱會09

繼去年 Joey 係香港開左兩次演唱會後, Starlight 會作世界巡迴演唱, 第二站就係澳門, 地點威尼斯人度假村.

去過威尼斯人睇演唱會既都知, 威尼斯人地方好大, 如果唔係開四面台, 分分鐘擰埋望遠鏡都未必睇到, 加上係威尼斯人, 用大機影相係被禁止既. 所以雖然好想去睇, 但係都冇買到飛.

演唱會前幾日, 有朋友話當日佢有事, 問我可唔可去演唱會幫手影相, 交比某雜誌. 咁辛苦既工作, 我當然義不容辭啦.

到左演唱會當日, 由於一早已知距離會好遠, 所以 328 都帶埋去, 兩機 (D300 + D3) 四鏡 (16mm, 24-70, 70-200, 328), 足足有幾十磅. 係威尼斯人, 攞正牌影相, 真係高興. 當日既安排係咁既, 頭三支歌, 大家可以係台下任影, 但之後就要到記者席, 記者席…當然係遠到阿媽都唔認得啦. 就算 328 加埋乘左 1.5 既 D300 都影得好吃力.

講番個演唱會, 由於場地大既關係, 冇香港睇那次咁互動, 加上舞台細, 無任何道具, 壞螢光幕, 個mic 有回音等等, 令人有點失望. 只有 Joey 依然有高水準既表演, 兩 part 連唱廿分鐘既快慢歌都應付自如.

最後, 總算完成工作, 第一次可以咁近距離影演唱會, 真一個好開心既經驗.

相簿連結 : Starlight 容祖兒澳門演唱會09